2018-03-14 10:00 -12:00
Garbiñe Biurrun (Tolosa, Gipuzkoa, 1960) Euskal Herriko Unibertsitateko Lan eta Gizarte Segurantza arloko irakaslea da Bizkaiko Zuzenbide Fakultatean 1982. urteaz geroztik, eskola eman duelarik bertan bai euskaraz bai gaztelaniaz. Akaso bere jarduerarik ezagunena 1987. urteaz geroztik epailea izatearekin lotzen da. Gaur egun Euskal Autonomia Erkidegoko Justizia Auzitegi Nagusiko Gizarte Arloko presidente da, 2009ko irailean kargu hau hartu zuenetik. Horrez gain, Demokraziarako Epaileak Elkarteko kidea da, gaur egun elkarte horretako koordinatzaile eta bozeramale delarik.
Bere jarduera nekaezin horrek eraman du baita Eusko Ikaskuntzako Gizarte Ospe Batzordeko kide izatera eta 2007tik gaur egunera arte Euskararen Aholku Batzordeko partaide izatera.
Hainbat eta hainbat artikulu nahiz makina bat hitzaldi eman ditu zenbait forotan genero indarkeriaz eta berdintasunaz.
Lugar: Casa Cultura Okendo