Literatura Tertuliak

Literatura Tertuliak

LITERATURA TERTULIAK 2010eko apirilean jarri ziren abian. Topalekun izaten dira, ikasturtean zehar, hilean behin, astelehenez, 17:00etatik 18:30era. José Domingo EHUko Filosofia eta Psikologiako lizentziaduna izaten da moderatzailea.


Tertulien helburua da garapen mentalari laguntzea eta literaturarekiko zaletasuna duten bazkideen arteko harreman sozialak bultzatzea, modu analitiko eta aberasgarrian irakurtzen ikastea, eta dinamizatzaileak eskainitako oinarrizko kontzeptu literarioak eskaintzea parte-hartzaileei.


Ikasturtea hasi aurretik, dinamizatzaileak, jarduerari dagokion batzordearekin elkarlanean, irakurriko diren liburuen zerrenda prestatzen du. Obra klasiko bat sartu ohi da, gutxienez, ikasturte guztietan, eta baita aurretik irakurri ez den autore bat edo aurreko ikasturteetan irakurri eta hizlariei gustatu zaien autoreen eleberriren bat ere.


Tertulian parte hartzeko deialdiarekin batera, parte-hartzaileek posta elektronikoaren bidez jasotzen dute tertuliaren xede den nobelaren sinopsia, egileari buruzko informazioa, obrak, kritikak, etab.


Tertuliaren hasieran eta amaieran, parte-hartzaileek liburua ebaluatzen dute. Era horretara, taldeko kideek dituzten gustuen berri izaten dugu, eta hori laguntza handikoa da hurrengo liburuak hautatzeko.


Tertulian, eleberriaren argumentuaz gain, estilo narratiboa, gustatu zaizkigun esaldi edo metaforak, perspektiba, narratzaile mota eta abar aipatzen dira. Beraz, solasaldiaz gozatzeaz gain, idazlana aztertzeko eta irakurketaz gehiago gozatzeko ezagutzak zabaltzen ari gara pixkana.

LITERATURA TERTULIAK batzordearen arduraduna:  Mari Carmen Mosqueira

 

Uso de Cookies: Las cookies nos permiten ofrecer nuestros servicios. Al utilizar nuestros servicios, aceptas el uso que hacemos de las cookies.

ACEPTAR Más información