2022-09-02 08:00
GORRI eta URDINAK
IGELDO-VENTA DE ORIO-ITSASPE-ORIO (P-34) 13,- km - ▲▲▲
Eguna: 2012ko iraillaren 2an
Ordua: 08:25ean
Irteera: Okendo kalean, Hacienda aurrean, 16 zenbakidun autobusa geltokian
Distantzia: 13,- km
Zailtasuna: ▲▲▲
AZALPENA
Autobusez Igeldoko kanpineraino iritsi eta Agitti aldera jeisten hasiko gara. Nikolas jatetxearen seinalea ikustean, bertara hartuko dugu eta horrela, itsasaldeko Santio bidearekin bat egingo dugu. Marka horiei jarraituko diogu Lusarbe baserrira lehenbizi eta Kukuharrirako bidera heldu arte. Han, bi bide daudenez, guk eskubikoari helduko diogu itsas aldera jeisten hasteko. Pista bidetik jarraituz, Anduko bordara helduko gara eta aurreraxeago, berriro ere bidegurutze batean eskubikotik jarraituko dugu. Bidea malkartsua eta goitik beherako aldapa dexentea duen horretatik jarraituz, berehala bistaratuko dugu Itsaspe landetxea. Handik segituz Orioko hondartzara lehenbizi eta ondoren itsas ondotik eta kirol kaitik pasatuz, azkenik Orioko herriaren erdigunera heldu eta hantxe emango diogu ibiladiari amaiera.
NAHITAEZKOA MOZORROA ERAMATEA
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
ZUEI eta BERDEAK
DONOSTIA (Easo)-MIRAMON (Erramunene)-AIETE-DONOSTIA (D-22) 12,- km ▲▲
Eguna: 2022eko iraillaren 2an
Ordua: 08:20ean
Irteera: Easoko Topo geltokiren aurrean.
Distantzia: 12,- km
Zailtasuna: ▲▲
AZALPENA
Easo plazan elkartu ondoren, Morlans auzotik zehar Aieteko parkera igoko gara . Zeharkatu eta jarraian ikastetxe alemanaren aurretik pasa eta Miramon Parkeko sarreran, Erramunene
dioen bidexkatik aurrera egingo dugu. Beheraka egin, zubitxo bat gurutzatu eta berriro gora igoko gara. Pista bidetik jarraituz, gora eta behera batzuen ondoren, ( deposito edo biltegiz beteta dago) elektrizitate dorre baten paretik goraka egin eta bide asfaltatura helduko gara. Ikusi lantegia eta EITB pasa ondoren, altzairuzko zubia igaro eta Culinarytik pasatuko gara. Beheraxeago eskubitara doan bidetik segi eta urmaelera iritsi ondoren, goraka egin, anfiteatro aurretik igaro eta Miramongo parkera sartu garen lekura aterako gara. Ondoren, berriro Aieteko parketik jeitsiko gara Easo plazara.
NAHITAEZKOA MOZORROA ERAMATEA
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.