Idazteko Tailerra

2021eko otsaila eta apirila bitartean egingo den tailer honen helburu nagusia idazmena bultzatzea da eta nork bere kontakizuna sortzea. Atzean utziko dugu orri zuriaren beldurra, eta gure bizipenez eta irudimenaz baliatuko gara kontakizunak eta mikrokontakizunak sortzeko.

Proposamen original eta dibertigarrien bidez, agerian geratuko dira bakoitzaren irudimena eta sormena.

Tailerraren alderdi praktiko horrez gainera, alderdi bizia ere izango du tailerrak: zaletasun bera duten pertsonen arteko solasaldia. Hainbat autoreren testuak irakurtzeak eta parte-hartzaile bakoitzaren idatziak bateratzeak lagungarriak izango dira giro magiko hori sortzeko, zeina baiten guztiz beharrezkoa istorio onak osatzeko.

Nola egiten dugu hori? Teknikari dagokionez funtsezkoak diren hainbat gai landuko ditugu:

- Perspektiba (edozein istorio kontatzeko beharrezko ikuspuntua)

- Pertsonaiak (izena, deskribapena eta nortasuna)

- Egitura (kontatu nahi duguna antolatzea)

- Berridazketa (idatzitakoa berrikustea eta zuzentzea)

Bigarren zatian (urria-azaroa), jarraitasun tailer bat egingo dugu, eta, ikasitakoa finkatzeaz gain, honako hauek landuko ditugu:

- Espazioa (istorioa garatzen den tokia)

- Denbora (argumentua gertatzen den garaia eta haren erabilera objektiboa eta subjektiboa)

- Deskribapena (pertsonena, tokiena…)