2023-01-27 08:00
BERDE eta GORRIak
IGELDO-ZAKURTEGIA-ORIO (K-13) 10,8 km - ▲▲
Eguna: 2023ko urtarrilaren 27an
Ordua: 08:55ean
Irteera: Okendo kalean, Hacienda aurrean, 16 zenbakidun autobusa geltokian
Distantzia: 10,8 km
Zailtasuna: ▲▲
AZALPENA
Okendo kalean elkartuko gara Igeldoko kanpinera igotzeko. Oriorako bidea hartu eta gutxira,zakurtegira markatzen duen bidea hartuko dugu. Bertatik pasa eta aurrerago dagoen autopista azpiko tuneletik igaro ondoren gertu dagoen bidegurutzean eskubiko bidetik,
Oria ibaiaren biurguneak ikusiz, Oriorantz dioen bidean aurrera jarraituko dugu. Autopista azpitik pasa eta baserri baten ingurura arteko aldapa igo eta gero, goitik behera errotondara helduko gara. Han, hondartzara doan bidetik zehar iritsiko gara Oriora.
NAHITAEZKOA MOZORROA ERAMATEA
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
ZURI eta URDINak
URNIETA-BESABI-LEITZARAN- ANDOAIN (T-20) 11,- km ▲▲
Eguna: 2023eko urtarrilaren 27an
Ordua: 08:05ean
Irteera: Norteko tren geltokian (RENFE).
Distantzia: 11,- km
Zailtasuna: ▲▲
AZALPENA
Trenez Urnietara iritxi ondoren, rotonda edo biribilgune baten eta Zelai tabernaren ondotik abiatuko gara gorantz, Antxokara lehenbizi eta Besabira gero. Han, ezkerretara utziko ditugu bai Ondirako bidea eta baita Adarrara doana ere. Eskubiko pistatik joan, aurreraxeago ate
berde bat pasa, eta sagardotegi baten eta Garagorri baserrien ondotik igaroko gara. Bidegurutzean, ezkerretako bideari helduko diogu Asu baserrira iristeko. Bideari jarraituz ailegatuko gara Auzokalteko zubiaren ondora eta Plazaolako bide berdetik zehar Andoain herrira iritsiz bukatuko dugu ibilaldia.
NAHITAEZKOA MOZORROA ERAMATEA
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.