2023-03-03 08:00
BERDE eta URDINak
TOLOSA-ALEGIA-ALTZO-TOLOSA (T-02) 13,7 km ▲
Eguna: 2023eko martxoaren 03an
Ordua: 08:05ean
Irteera: Norteko tren geltokian (RENFE).
Distantzia: 13,7 km
Zailtasuna: ▲
AZALPENA
Norteko geltokian elkartu eta Tolosarako trena hartuko dugu. Han, Tolosa eta Alegi elkartzendituen bidegorritik Alegiako bidegurutzeraino helduko gara. Hemen, ezkerrera segi eta seinaleei kaso eginez, Altzo beheko eliza ondotik igaro, aurreraxeago eskubitara desbideratu eta Altzoko erraldoiaren baserri ondotik zehar helduko gara herrira. Gero, errepidez bistan dagoen konbentu ondoko bidetik jeitsiko gara berriro Alegiako bidegurutzera eta jarraian bidegorritik berriz ere Tolosara.
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
ZURI eta GORRIak
LEZO-GURUTZEKO GAINA-OIARTZUN (B-13) 14,- km ▲▲▲
Eguna: 2023ko martxoaren 03an
Ordua: 08:00an
Irteera: Gipuzkoako plazan, Lezo E01 zenbakidun autobusaren geltokian.
Distantzia: 14,- km
Zailtasuna: ▲▲▲
AZALPENA
Lezora autobusez iritsi ondoren, Lopenea plazatik zehar abiatu eta industri aldea ezkerretara dugula bidegorritik joango gara. Bukatzen denean, bidegurutzean eskubitara doan bidetik jarraituko dugu eta aurreraxeago ere berdin langa bat zeharkatu ondoren. Laster, “ Xoxolurra” dioten seinale batzuek aurkituko ditugu eta haiei segituz ( baina alderantzizko norabidean) ibiliko gara “merendero” bat eta Iriarte erretegia pasa arte. Goitik behera abiatu eta berehala, ezkerretara dagoen bide maldatsutik jeitsi eta Gaintxurisketa azpiko tuneletik gora egingo dugu. Erain eskola , Usategieta hotela, restop ondotik igaro eta autopista gaineko zubitik aurrera jarraituz helduko gara Gurutze gainera. Han, Gurutze berri jatetxearen ondoko pista bidetik aurrera egingo dugu eta Pikoketara doan errepidera helduko gara. Beste aldera pasa eta berehala ezkerreko bidexkatik jarraituz iritsiko gara Arditurriko bidegorrira eta gero azkenik Oiartzungo Altzibar auzora.
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.