2023-07-28 08:00
ZURI eta GORRIak
DONOSTIA-LASARTE-URNIETA (P-11) 11,8 km ▲▲
Eguna: 2023eko uztailaren 28an
Ordua: 08:50ean
Irteera: Anoetako Topo geltokiren aurrean.
Distantzia: 11,8 km
Zailtasuna: ▲▲
AZALPENA
Anoetako Topo geltoki aurrean bildu eta Illunbe edo Zorroagatik pasa eta Ospitaletatik barrena, Galarretara jeitsiko gara. Gero Jauregi jatetxe ondotik Buenos Aires auzora egingo dugu. Handik beheruntz egin eta berehala, ezkerretara hartu eta Plazaola trenaren bidetik lehenbizi eta errepidetik gero, Urnietara ailegatuko gara.
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
BERDE eta URDINak
ANDOAIN-HERMITA DE AZKORTE-GALARRETA-HERNANI (T-08) 11,6 km ▲▲
Eguna: 2023ko uztailaren 28an
Ordua: 08:20ean
Irteera: Norteko tren geltokian (RENFE).
Distantzia: 11,6 km
Zailtasuna: ▲▲
AZALPENA
Trenez iritsiko gara Andoina. Geltoki ondoko errotondatik egingo dugu bidegorrira. Tunela pasatu eta aurrera egingo dugu bertatik eta industrialdera iristean, behera egin, eta berriro bidegorritik jarraituko dugu errotonda handiago batera heldu arte. Harrobirako bidea hartu eta handik igaro ondoren, pista bidetik goruntz eginez iritsiko gara Azkortera. Gero goitik behera jeitsi eta errepidera heltzean goraka egin, Bidegurutzeta jartzen duenean errepidea gurutzatu, eta eskubiko bidetik Saretxo jatetxe ondotik pasa, eta Galarretara helduko gara. Jarraian, Sorgin Txulo auzora doan bidetik ailegatuko gara Hernanira. .
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.