2023-07-07 08:00
BERDE eta GORRIak
IBAETA-BENTA ZIKIN-USURBIL-BENTA ZIKIN-IBAETA (D-29) 14,- km ▲▲
Eguna: 2023ko uztailaren 07an
Ordua: 08:50ean
Irteera: Espiritu Santuko parrokiaren sarrerako ate aurrean.
Distantzia: 14,- km
Zailtasuna: ▲▲
AZALPENA
Donostiako Ibaeta auzoko Espiritu Santu elizaren ate nagusiaren aurrean elkartuko gara. Ibaeta auzoa zeharkatu eta Igeldoko igelaren urmael ondoko bidetik igoko dugu Benta zikin deitzen den lekuraino. Autopista azpitik pasa eta Usurbilerako bidea hartuko dugu. “ Olivi 48 “ deritzan landetxera iristean, ezkerreko bidea hartuko dugu eta bertatik jarraitu bide nagusiagora heltzen garen arte. Troya jartzen duen letrerora arte alegia. Han, berriro gorantzako bidetik joango gara, etxe bakarren ondotik. Ibarrola Txiki ipintzen duen bidetik jarraitu eta berriz ere Benta zikinera itzuliko gara. Bidegurutze horretan, beherantz doan erdiko bidetik Igarakp kanpinera iritsiko gara lehenbizi eta ondoren, eta jadanik Ibaetan, Zabaltzen eta Korreos ondotik jarraituaz Indi Col pabeloiraino. Hango biribilgunean ezkerretara igotzen hasi eta berehala eskubira eginez, jende gutxik zapaltzen duen bidexka batetik aurrera eginez Donostiako zuhaitz berezia den eta ehunka urte dituen Igarako Haritza ikusiko dugu. Atzera egin eta berehala, Ibaetan bukatuko dugu ibilbidea..
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
ZURI eta URDINak
ORDIZIA-LAZKAOMENDI-ATAUN- LAZKAO-BEASAIN (G-02) 14,3 km ▲▲
Eguna: 2023ko uztailaren 07an
Ordua: 07:40ean
Irteera: Norteko tren geltokian (RENFE).
Distantzia: 14,3 km
Zailtasuna: ▲▲
AZALPENA
Norteko geltokian elkartuta gara. Ordizira iritsi eta Oiangura doan bidea hartuko dugu Goierriko instituaren ondoko bidetik. Aldapatxoak igoz Lazkaomenditik pasa, eta Abalin baserri ondotik igaro eta Amundarain adierazten duen pista bidetik Ataun San Martinera helduko gara. Han, eliza atzetik doan bidea hartu eta Agauntza ibaiari jarraituaz iritsiko gara Lazkaora. Gero bidegorrian zehar Beasainerako bidea egingo dugu.
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.