2026-06-05 08:00
GORRIAK eta BERDEAK
GARBERA - SANTIAGOMENDI - ASTIGARRAGA (D-02) 11,1 KM ▲▲
Eguna: 2026ko ekainaren 05an
Ordua: 9:00etan
Irteera: Garberan, autobus geltokian
Distantzia: 11,1 km
Zailtasuna: ▲▲
AZALPENA
Garberako bus geltokian egingo dugu topo eta, Lau Haizetatik zehar, Txoritokietako lepotik Perurenara helduko gara lehenbizi eta handik, Done Jakue bideko seinaleak jarraituz Santiagomendiraino igoko. Bertako ermitatik pasa ondoren, Astigarragara jeitsiko gara. Hemen bukatu eta bakoitzak hartuko dugu itzulerako nahi duen bidea.
GOMENDIOAK
Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.
ZURIAK eta URDINAK
BUENAVISTA (IGELDO) - LAPABIDE - AGITTI - IGELDO - ERREGENEA - ANTIGUO (D-37) 12,5 KM ▲▲
Eguna: 2026ko ekainaren 05an
Ordua: 08:25ean
Irteera: Dbus 16, Bulebarrean
Helmuga: Buenavista (Igeldo)
Distantzia: 12,5 km
Zailtasuna: ▲▲
AZALPENA
Lineako autobusez Buenavistara iritsi ondoren, Santio bidea hartuko dugu aurrena. Gero bidegurutze baten Lapabikoa hartu eta Perusera helduko gara. Han ezkerretan dagoen bidea hartuko dugu Agitti eta Agitti Berri baserrien ondotik igaro eta goitik behera eginez Agitti deritzon itsas bazterrera iritsiko gara. Bertan egonalditxo bat egin eta gorantzako bidea gezi hori batek dioen bidetik egingo dugu. Perusera heldu eta gorantza jarraituko dugu Arritxulo dioen bidera arte. Bertatik jarraituko dugu eta bidegurutzera iristean, gorantza egin berriz ere eta Igeldo auzoko erdigunera iritsiko gara. Erregeneatik Antiguora jaitsiko gara.
GOMENDIOAK
Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.