2022-04-25 09:15 -13:30
Datorren irteera: Intxaurrondo auzoa - Txomin Enea auzoa.
Eguna: apirilaren 25a, astelehena.
Ordua: 9'15ean.
Luzera: 11 km
Topagunea: Sagastieder plaza (Intxaurrondo). Bertara hurbiltzeko aukera desberdinak ditugu; 7 minutuero Amaratik ateratzen den Topoa eta 9, 24, 29, 33 autobusak.
Ibilbidea: hasiera Sagastieder plazan emango diogu Otxoki parkera zuzenduz. Ondoren, Ametzagaña, Lauhaizeta, Menditxo jatetxea, Petritegi, Alorrenea eta Lizeaga sagardotegiak eta segidan, Hernaniko tranbiaren izandako bidetik Martutenera iritsiko gara. Aurrera jo eta Txomin Enea auzora helduko gara, bertan, ziurrenik, hamaiketakoa eginez bukatuko dugu.
Honaino,11 km eginak ditugu.
Ondoren, nahi duenak, jarraitu dezake Urumea ibai ertzetik, Kristina Enea parkean sartu eta Araba parkean atera.
Honaino, gutxi gorabehera, 13 '2 km
Ondo segi
----------------------------------------------------------
Hemen dituzue gaurko irteeraren xehetasunak :
Sagastieder plazan elkartu eta zuzenean Ametzagaña parkera abiatu gara. Inguru paregabea, zuhaitzez inguratuta, udalerriaz gozatzeko parada izan dugu.
Garberan atera eta Lau Haizeta aldera jo dugu. Argazkia atera ondoren Menditxo tabernan komuneko sartu- irtena egin eta Petritegi sagardotegiko bidea hartuta Martutenera iritsi gara.
Hemen, Urumea ibai ertzetik Txomin Enearaino non Ibaialde tabernan hamaiketakoa hartu dugun, itzalean fresko!
Honaino 11km. Hemen amaiera.
Etxeko itzulera, batzuk autobusez , beste batzuk Topoz... egin dugu. Partaide bakoitzak erabaki du.
29 laguneko kuadrilla osatu dugu eta denok gustura.
Ondo izan.