2021-07-12 08:30 -13:00
Datorren irteera Topalekutik Norteko estazioa egingo dugu.
Eguna: uztailaren 12a, astelehena.
Luzera: 11'7km.
Topagunea: Peñaflorida kalea 6, Bus19 zeb.
Ordua: 8'40ean.
Ibilbidea: hasiera Aiete parkeko ate nagusian emango diogu, jarraian Oriamendi pasealekua, Katxola kalea, Pakea plazan, Juan A. Barriola ibilbidea eta berriz Oriamendi pasealekua, Oriamendi biribil gunea, Basozabal golfa, Goiatz txiki ibilbidea, Martutene ibilbidea, Kristobaldegi ibilbidea eta Txomin Enea.
Hemen eten bat egingo dugu hamaiketakoa egiteko.
Indarrak berrituta aurrera joko dugu gure ibilbidean, Loiola auzoa, Riberas, Kristina Enea parkea eta Maria Cristina zubian bukaera emango diogu.
Ikus daitekeen bezala, ibilbidea bi zatitan banatu dugu: Topaleku - Txomin Enea (hamaiketakoa) 8'5km-koa eta Txomin Enea - Maria Cristina zubia 3'2km-takoa.
-------------------
12 uztailaren 2021
Egun euritsua baina merezi izan du. Ezker eskuin berdea nagusi, lanbroa, aterkiak zabalik eta gu aurrera, animoso.
Topalekutik Txomin Eneara, Basozabaletik pasata, 9'4km.
Hamaiketakoa egin ondoren taldekide batzuk zentrora abiatu dira.
Guztira 9 partaide.