2022-10-14 08:00
URDIN eta ZURIak
ITZIAR-SANTA KATALINA-DEBA-MUTRIKU (DB-03) 10,5 km ▲
Eguna: 2022ko urriaren 14an
Ordua: 07:50ean
Irteera: Autobusaren geltokian
Distantzia: 10,5 km
Zailtasuna: ▲
AZALPENA
Autobusez iritsi Itziarrera, eta elizarantz igoko dugu. Bertan Donejakue bideari helduko diogu eta bertatik segiko. Donibane landetxea pasa eta gero, gezi horiei segika S. Rokerako zuzeneko bidea utzi eta pareta baten atzean erdi ezkutuan dagoen bidexka hartuko dugu. Zelaia zeharkatu eta pista bide batek baserrietara eramango gaitu. Handik, igoko dugu Santa Katalinako ermitara eta behatokira. Ondoren berriro baserrietara jeitsi eta berehala ikusiko dugu Debara dioen seinalea. Bide horretatik lehenbizi S. Rokera iritsiko gara eta beheraka eginez Debako erdigunera helduko gara. Tren geltokitik barrena, ibai gaineko behin behineko zubitik pasatuko gara bestaldera. Kalbaixora doan bidea ezkerretara utzi eta aurreraxeago hartuko dugu Debatik Mutrikuraino egin berri duten bidegorri ederra. Mutrikuko erdigunean bukatuko dugu ibilbidea.
NAHITAEZKOA MOZORROA ERAMATEA
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
GORRI eta BERDEak
LASARTE-ZUBIETA-ERRAUSTEGIA-S. ESTEBAN-USURBIL (D-28) 11,5 km ▲▲
Eguna: 2022eko urriaren 14an
Ordua: 08:20ean
Irteera: Easoko Topo geltokiren aurrean.
Distantzia: 11,5- km
Zailtasuna: ▲▲
AZALPENA
Lasartera trenez iritsi ondoren, Zubieta auzora egingo dugu. Bertatik igaro eta Astiazaran sagardotegitik aurrera dauden Donejakue bideko seinaleak aurkitzen ditugunean, haiei jarraiki, mendiko pista batetik gora abiatuko gara. Laster, errauztegi berriaren aurrera helduko gara. Aurrera egingo dugu beti ere gezi horiei jarraituz eta aldapa pikoa igoaz. Mendi bideak asfaltozkoarekin bat egingo du eta ondoren, antena handi bat dagoen eremura iritsiko gara. Han, Santio bideko seinaleak utzi eta bidegurutzean, eskubiko pistatik aurrera joango gara Andatzatik datorren pista nagusiarekin bat egin arte. Jarraian, urdin eta laranja koloreko markak izango ditugu bidelagun eta horrela goitik beheraka jeitsiz, lehenbizi Puela baserrira eta ondoren Igartzazabalera helduko gara. Segidan, S. Esteban auzotik igaro eta azkenik Usurbilen bukatuko dugu gure txangoa.
NAHITAEZKOA MOZORROA ERAMATEA
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.